وكالات //

الرئيس السابق ديال كوريا الجنوبية مون جاي قال بأنه بغا يتخلص من جوج كلاب عندو عطاهم ليه الرئيس ديال كوريا الشمالية كيم جونغ، مني كان مون جاي رئيس.

الرئيس السابق قال إن السبب ديال التخلي على هاد لكلاب هو أن الحكومة الحالية ما بقاتش باغية تعطيه المصروف ديالهم لي اتفق معاها عليه مني خرج من الرئاسة، وهاد المبلغ هو 1300 دولار في الشهر.

وقال مون جاي إنه قبل ما يغادر الرئاسة كان بغا يخلي لكلاب لأنهم تعطاو ليه هدية ملي كان رئيس وهوما في ملك الدولة، ولكن المكتب الرئاسي الحالي قال ليه غير خودهم مقابل أنهم يتكلفو بالمصاريف ديالهم، ولكن في الأخير تراجعو على الاتفاق.

الموضوع ديال كلاب الرئيس داير ضجة في كوريا الجنوبية، ومكتب الرئيس الحالي قال إنه كيفكر في شي صيغة مناسبة باش هاد لكلاب ما يضيعوش خصوصا،ً أنهم من سلالة نقية.

الناس في سوشيل ميديا كيطالبو من الرئيس يعطيهم لكلاب بجوج لي سميتهم “سونغ كانغ” و”غومي” باش يتكلفو بيهم يربيوهم، وقالو للرئيس السابق أنه عندو لفلوس ولا يمكن يتخلى على كلاب فقط على قبل المصروف ديالهم.