الرئيسية > آش واقع > الحكومة. كلشي يدخل لدارو باش تحميو ريوسكم ولكن خاص الاقتصاد يبقي محرك وبعض المرات شي وحدين كيحبسو طونوبيلات المستخدمين
25/03/2020 11:05 آش واقع

الحكومة. كلشي يدخل لدارو باش تحميو ريوسكم ولكن خاص الاقتصاد يبقي محرك وبعض المرات شي وحدين كيحبسو طونوبيلات المستخدمين

الحكومة. كلشي يدخل لدارو باش تحميو ريوسكم ولكن خاص الاقتصاد يبقي محرك وبعض المرات شي وحدين كيحبسو طونوبيلات المستخدمين

كود كازا ///

كاين مراسلة من مولاي حفيظ العلمي وزير التجارة والصناعة والاقتصاد الاخضر والرقمي باللي مسموح تنقل العمال فاي وقت وفاي مدينة اللي كيخدمو غير خاصهم رخصة من المقاولة احترام المسافة واخا يتم يدابلو الطونوبيلات.

الوزير شدد ان هاد الناس يمكن يتحركو فاي وقت وفاي منطقة باش عجلة الاقتصاد تتحرك. هاد القرار حكومي ووزير الداخلية عبد الوافي لفتيت اللي كيعرف اش كيعني مزيان عجلة الاقتصاد دور. هاد الشي ما فهموش بعض رجال السلطة ماشي كلهم. وقع هادي يومين مع ناڤيط من الرباط للقنيطرة باش تنقل شي عمال ومستخدمين واطر كتخدم. شي حد من السلطة منعهم وقال ليهم بعد الستة ممنوع التنقل. طبعا حتى وقعات الاتصالات عاد فهم. 

هاد البدية كاين كلشي دايخ قال مصدر ل”كود” هاد الشي علاش كيوقعو هاد الشي. المصدر قال باللي كلشي باغي ينجح الوقاية فالمغرب. كلشي باغي يخلي الاقتصاد كيدور ويحمي لمغاربة.  واكد ان هاد القرارات بعدم السماح لبعض الحافلات بالتنقل ما غاديش يتكرر

موضوعات أخرى

05/08/2020 17:30

روكور جديد فالإصابات بكورونا ومجموع الحالات الحرجة والنشيطة.. 1283 مغربي ومغربية تصابو فهاد 24 ساعة و18 ماتو و365 تشافاو.. الطوطال: 28500 مصاب و435 متوفي و19994 متعافي.. و8071 مازال كيتعالجو منهم 108 فحالة خطيرة