كود الرباط//

علمت “گود” أن الاجتماع ديال الأغلبية الحكومية يوم غذا الثلاثاء 22 أكتوبر 2024، بالمركز العام لحزب الاستقلال – باب الأحد بمدينة الرباط، غايكون مخصص لمناقشة مضامين مشروع قانون مالية 2025.

وحسب مصادر “گود” الحكومة كتوجد فالبرلمانيين ديالها باش يدافعو بشراسة على مضامين مشروع الميزانية والاجراءات لي جات فيه خصوصا الضرائب الجديدة ورفع ميزانية الاستثمار العمومي اضافة الى زيادة الدعم المباشر ورفع الاجور عن طريق الاعفاءات التي شملت الضريبة على الدخل.

ولكن مصادر “گود”، فريق الأصالة والمعارض غايدير معارضة لبعض مواد مشروع قانون مالية 2025، وغايقدمو مقترحات، وهنا غادي يبداو تسخينات سياسية قوية وغايبانو معالم الانقسام السياسي وسط الحكومة.

قيادي فالبام وبرلماني محسوب على تيار مراكش، قال ل”گود” بلي مغاديش يصفقو للحكومة وعندهم مقترحات وملاحظات تهم مواد معينة في مشروع قانون المالية، مؤكدا بلي غايدافعو على الطبقة المتوسطة والفئات الهشة ضد تغول اللوبيات والباطرونات.