الرئيسية > آش واقع > الحكومة كتقلب على احتجاجات بكليات الطب ومبغاتش تنفذ قرار وافقت عليه ونشراتو الجريدة الرسمية: حرمان طلبة السنة السابعة طب عام والسنة السادسة الصيدلة وطب الأسنان من “منحتي”
20/06/2021 16:30 آش واقع

الحكومة كتقلب على احتجاجات بكليات الطب ومبغاتش تنفذ قرار وافقت عليه ونشراتو الجريدة الرسمية: حرمان طلبة السنة السابعة طب عام والسنة السادسة الصيدلة وطب الأسنان من “منحتي”

الحكومة كتقلب على احتجاجات بكليات الطب ومبغاتش تنفذ قرار وافقت عليه ونشراتو الجريدة الرسمية: حرمان طلبة السنة السابعة طب عام والسنة السادسة الصيدلة وطب الأسنان من “منحتي”

هشام أعناجي ـ كود الرباط//

[email protected]

في خطوة غير مفهومة رفضت الحكومة تنفيذ قرارها الصادر بالجريدة الرسمية (عدد 6901) المتعلق بالزيادة في منحة طلبة طب سنة سابعة وطلبة السنة السادسة  صيدلة وطلبة السنة السادسة طب الأسنان المستفيدين من منحة منحتي.

ورغم أن رئيس الحكومة سعد الدين العثماني أعلن يوم 18 يونيو 2020، عن مصادقة الحكومة على مرسوم يقضي بتحسين المنح الدراسية المخصصة لتحضير دكتوراه الطب والصيدلة وطب الأسنان والبيطرة ومهندس الدولة أو دبلوم مهندس معماري ودبلوم مؤسسات التجارة والتسيير، وذلك بمنح السنوات الثلاثة الأولى منحة السلم الأول (الإجازة)، فيما ستخصص للسنتين الرابعة والخامسة منحة السلم الثاني (الماستر) وتخصص السنتين السادسة والسابعة منحة السلم الثالث (الدكتوراه)، إلا الفئة الأخيرة لم تستفيد من هذه المنحة.

دبا بزاف ديال طلبة طب عام سنة سابعة و طلبة السنة السادسة صيدلة و طلبة السنة السادسة طب الاسنان، كيستغربو من هاد التعنت الحكومي ومن حرمانهم من منحة السلك الثالث التي تبلغ 12154 درهم سنويا.

القرار الحكومي اللي تنشر فالجريدة الرسمية واللي خاص يكون ساري المفعول، تنفذ على كولشي باستثناء على طلبة السنة السابعة طب عام والسنة السادسة لطلبة الصيدلة وطب الاسنان، وهادشي حسب مصادر “كود” غير مفهوم وخطوة تؤكد أن الحكومة لا تحترم حتى قرارتها.

لحد الساعة جوج أفواج من طلبة الطب العام السنة السابعة خلال سنتين 2020 و2021  تحرمو من هاد المنحة.

دبا كيفاش الحكومة بغات خريجي كلية الطب يبقاو فالمغرب ويخدمو فيه بدون انصاف ليهم سواء ف مرحلتهم الجامعية أو بعد تخرجهم، بهاد الخطوة الحكومة كاضرب كاع المجهودات اللي كايدارو باش يكون قطاع الصحة يمشي مزيان.

الحكومة كاتقلب على حراك جديد داخل كليات الطب، هادو سكتو وصبرو حيث كاينا الجايحة ولكن مع الرفع التدريجي للقيود الاحترازية، هادو دبا كيفكرو في اشكال احتجاجية وممكن نشوف بداية سنة جامعية حارقة تزامنا مع الانتخابات.

والخطير كذلك ان الحكومة ماشي غير ضربات الجريدة الرسمية عرض الحائط بل حتى الاتفاق الموقع بين وزارتي الصحة والتعليم قبل سنتين، خصوصا المحور السابع المتعلق بتعديل مرسوم منحة التعليم العالي وادراج السنة السادسة و السابعة في السلم الثالث، هاد  الحضر وقعته الوزارة بعد مقاطعة طلبة طب و الصيدلة الدروس و التداريب استشفائية لاكتر من 6 اشهر و الذي انتهى في 28 غشت 2019.

وجاء في رسالة توصلت بها “كود”، “حنا طلبة طب سنة سابعة و طلبة السنة السادسة صيدلة و طلبة السنة السادسة طب الاسنان المستفيدين من منحة منحتي  (كنا كاناخدوها قبل لمدة ست سنوات من الدراسات (طب عام) و خمس سنوات (طب أسنان و صيدلة) بقيمة السلك الاول واخا مدة الدراسات ديالنا سبع سنوات(طب عام) و ست سنوات(طب أسنان و صيدلة) وكان خاص تزادنا فيها بحال الناس دلافاك (سلك الماستر ، سلك الدكتوراه) ومن بعد الاضراب اللي كنا درنا الوزارة سنات معنا اتفاق اواعداتنا باش غانويلو مستافدين من هاد المنحة بحال الطلبة دالجامعة (و هادشي هو اللي  كان خاص يدار من اللول) ولكن المشكل ان الوزراة مالتازماتش بالوعد ديالها ةماستافدناش من المنحة واخا هادشي كان تنشر فالجريدة الرسمية

“.

موضوعات أخرى

01/08/2021 22:30

أمانة البي جي دي تالفا.. مقدروش يوافقو على ترشيح بنكيران وحطو امكراز ضدا فالقواعد بتيزنيت والشوباني اللي محارب مع الداخلية حطوه فميدلت باش يواجه الاحرار

01/08/2021 20:00

بعدما لقاو اقدم انسان عاقل ف المغرب.. الباحث ف علم الآثار عبد الرحيم محب: هاد الاكتشاف كيموقع المغرب كمنطقة أساسية ف شمال إفريقيا لدراسة السكان الأوائل