كود الرباط//
علن التنسيق الوطني لقطاع التعليم، عن خوضه إضراب عام وطني أيام الاربعاء والخميس والجمعة، فهاد الأسبوع الأول من يناير 2024.
التنسيق لي فيه كثر من 20 تنسيقية تحدا الحكومة والنقابات وقررو يرجعو للشارع، عبر تنظيم وقفة احتجاجية قدام مقر وزارة التربية الوطنية يوم الخميس.
وتشبث التنسيق بمطالبه اللي قدمها لرئاسة الحكومة، معلنا رفض الاتفاقات للي كانت بين النقابات والحكومة سواء اتفاق ديال 10 دجنبر أو اتفاق 26 دجنبر.
الحكومة واخا عطات عرض سخي واللي غايكلف ميزانية الدولة عشرات ملايير الدراهم فهاد عامين ونص لي بقات فعمر هاد الحكومة، إلا أنها مقدراتش تفك وحلة احتجاجات التعليم.
دبا كاين انقسام كبير وسط التنسيقيات، حول مستقبل الموسم الدراسي الحالي، بحيث أنه مبقا والو يعلنو على سنة بيضا مادام الإضرابات مستمرة والتلاميذ ضايعين.
