الرئيسية > آش واقع > الحكومة بادية بريتم سريع بزاف. غدا مجلس حكومي وتقديم البرنامج فالبرلمان بغرفتيه ثم عرض الميزانية والمصادقة عليها وهاد الشي كولو قبل لخميس
10/10/2021 10:30 آش واقع

الحكومة بادية بريتم سريع بزاف. غدا مجلس حكومي وتقديم البرنامج فالبرلمان بغرفتيه ثم عرض الميزانية والمصادقة عليها وهاد الشي كولو قبل لخميس

الحكومة بادية بريتم سريع بزاف. غدا مجلس حكومي وتقديم البرنامج فالبرلمان بغرفتيه ثم عرض الميزانية والمصادقة عليها وهاد الشي كولو قبل لخميس

كود الرباط ///

كلشي غادي بسرعة فحكومة اخنوش اللي تعينات الخميس اللي فات. فالجمعة دارو تبادل السلط وبداو الوزرا الخدمة. حتى السبت والاحد خدامين باش يداركو الروطار خصوصا قدامهم ملفات كثيرة خاصها تسالي.

هاد الشي ماشي غير عند الحكومة. حتى فمجلسي النواب والمستشارين. البارح انتاخبو رئيسي مجلسي النواب والمستشارين ثم رؤساء الفرق البرلمانية بالغرفتين. اليوم الاحد غاديين ينتاخبو اعضاء مكتب المجلسين ثم رؤساء اللجان فيهم بجوج.

علاش؟

حقاش الاثنين باش يدار اول مجلس لحكومة اخنوش غادي يعرض رئيس الحكومة البرنامج الحكومي ديال فرقتو طيلة 5 سنوات. هادي اهم لحظة فحياة الحكومة. طبعا غادي يكون نقاش قبل المصادقة عليه. غير هو الوقت ما كاين بزاف.

حقاش هاد البرنامج خاصو يتعرض ويتناقش عليه ثم من بعد يتعرض قانون المالية اللي اكيد وجد قبل باش لبلاد ما توقفش٬ وهاد القانون حتى هو خاصو يتقدم ويتناقش ويتصادق عليه قبل الخميس الجاي.

اي ان كلشي غادي يكون ماراتوني باش يدار فوقتو.

موضوعات أخرى

20/10/2021 21:00

نايضة على تعليق عنصري دارو موقع “So foot” الفرنسي على حكيمي والمغاربة.. ومن بعد بزاف ديال الانتقادات بدلو التعليق وحاولو يفسرو

20/10/2021 20:30

ترونات عاوتاني بسباب كورونا.. ها تفاصيل وقف المغرب للرحلات الجوية مع بريطانيا وتأثيرو على قطاع السياحة وتنقل الأشخاص المرتبطين بهاد البلدان