كود- francebleu//

الحكومة الفرنسية خرجات مؤخراً استراتيجية وطنية للغذاء والتغذية والمناخ (SNANC)، وطلي كتشجع الناس باش يقللو اللحم خصوصا المصنع بحال سوسيط والكاشير ، باش ياكلو  ماكلة صحية  ويعاونو فالنقص من غازات الاحتباس الحراري.

الاستراتيجية كتشجع حتى على ماكلة بزاف ديال ديسير، الخضرة، القطنيات ، الفاكية، والزرارع، ويعتدلو فالحوت ومشتقات الحليب، باش يلقاو توازن بين البروتينات الحيوانية والنباتية.

البلاغ الحكومي تيقول بلي الاختيارات الغذائية ديالنا كتأثر على الصحة و البيئة والاقتصاد.، حيت تقريبا 30٪ من الوفيات بسبب أمراض القلب مرتبطة  بماكلة  ماشي صحية  وحتى الغذا كيشكل 24٪ من البصمة الكربونية للاستهلاك  الكلي، و16٪ من الفرنسيين معرضين للفقر الغذائي.

الاستراتيجية ما دارتش حلول  بخصوص الماكلة  المصنعة بزاف والإشهار الموجّه لدراري ، وهادشي خلا خبراء التغذية يقولوا باللي الحكومة كانت مدارتش  خطوات قوية فهاد المجال.

الحاصول ،الحكومة  الفرنسية بغات تنقص تضياع الماكلة  فالديور بنسبة 50% حتى 2030،   بحملات توعية ، باش الناس يعرفو كيفاش يستعملو المنتوج وما يضيعوش الماكلة، وهادشي كلو شوية من الجهود البيئية ضد التغير المناخي.