وكالات//

حكمات محكمة أردنية بالحبس 10 سنين على “شفار” سرق ساك  ديال واحد السيدة في الطريق، وكان فيها غير 95 قرش (أقل من دينار أردني).

الهيئة العاشرة فمحكمة الجنايات الصغرى حكمات على السارق بالأشغال المؤقتة بتهمة الكريساج وسرقة ساك سيدة كبيرة في العمر.

جورنال “الرأي” المحلي قال إن الهيئة القضائية اللي خدمات فالقضية قررت تجريم المتهم بتهمة النشل وإلحاق الأذى بالسيدة، ولكن الحكم باقي قابل للاستئناف.

المتهم كان فطوموبيل، وشاف السيدة كتمشي جنب الطريق، بَدّل سرعة سيارتو وقرب منها وطير الساك من يدها.

السيدة لاحقات الشفار عن طريق كاميرات المراقبة، وشدوه، وكيعترف بأنه سرق الساك، ولكن المفاجأة كانت أن الحقيبة فيها غير 95 قرش.

ورغم أن المسروقات كانت قليلة بزاف، لقى الشفار راسو فمشكلة كبيرة ومثل قدام قاضيين، ومن بعد سمع الحكم ديال بالسجن عشر سنين.