كود كازا//
حكمات المحكمة الابتدائية فجديدة نهار الجمعة 17 أكتوبر 2025، على حسن، الملقب بـ”مول المسمن”، بالحبس 10 شهور نافذة.
هاد الحكم جا مورا ما تابع الشاب على تهم التحريض والإساءة للهيئات الرسمية، مني بان فواحد الفيديو ف مظاهرات حركة “جيل زد”، وقال تصريحات تعتابرات تهديد للمؤسسات ديال الدولة.
الشاب حسن استافد من ظروف التخفيف حيث ماعندوش سوابق قضائية، وهادشي ممكن يخلي العقوبة تنقص فمرحلة الاستئناف.
المحامي ديالو قال أن موكلو غادي يستأنف الحكم، مستعينين بالقانون والجوانب الإنسانية المرتبطة بالقضية.
الشاب حسن تشهر ب تصريحو: “حنا ما كنطلبوش… حنا كنآمرو”، اللي دار روينة على مواقع التواصل قبل ما يتوقف من طرف الأمن فجديدة وتحوّل للنيابة العامة.
