كود كازا /////

علمت “كود” ان المحكمة الابتدائية بالرباط ادانت نهار 13 ماي 2025 الفايسبوكية شامة درشول فالملف 4712/2101/2024 وتحكم عليها ب5 اشهر حبسا موقوف التنفيذ. الغرامة فيها وصلات لخمسة الاف درهم مع تحميلها الصائر و بتحديد مدة الاكراه البدني في حقه في الادنى

نفس القضية وفالدعوى المدنية التابعة، تحكم عليها تعطي تعويض قيمتو 6 مليون سنتيم لشركة “ماروك ادس كوم” المالكة والمسيرة للجريدة الالكترونية هسبريس. طبعا مع تحديد مدة الاكراه البدني في حقها في الادنى و تحميلها مصاريف الدعوى و بنشر منطوق هذا الحكم بعد صيرورته نهائيا بعدد واحد في كل من الصحيفتين الورقيتين “الصباح” و “المساء” على نفقة المتهمة.

دابا كانت جريدة “هسبريس” دعات الفايسبوكية بعد ما نشرات تدوينة من تدويناتها فيها تهم خطيرة شاف القضاء باللي تستحق العقوبة.

شامة درشول تقدمات بيها شكاية وتحكمات بتهم: “بث وتوزيع تركيبة مكونة من الأقوال شخص وصورته دون الموافقة بقصد المس بالحياة الخاصة للأشخاص و التشهير بهم” و”توزيع وبث ادعاءات ووقائع كاذبة بقصد المس بالحياة الخاصة للاشخاص والتشهير بهم”

القاضي كان حليم بيها وما حكمش بالحبس النافذ ومزيان هاد الشي وبراڤو عليه، بلادنا ما خاصهاش تبان كتحكم على فايسبوكيين بقضايا فيها كثر من السب والقذف، هادا انذار لعدد من امثال الفايسبوكية شامة درشول.