ݣود//بني ملال
حكمات المحكمة الابتدائية فبني ملال بـ10 شهور ديال الحبس النافذ على الراجل اللي ضرب طبيب فمستعجلات المستشفى الجهوي.
القضية بدات نهار 17 شتنبر اللي فات، منين جا المتهم مع واحد من عائلتو لقسم المستعجلات وتشاد مع الطبيب ديال البيرمانونس.
البوليس شدّوه فبلاصتو وداروه تحت الحراسة النظرية بأمر من النيابة العامة، ومن بعد تحال على المحكمة وتدار ف الحبس الاحتياطي، حتى صدر الحكم النهائي اللي قضى فحقو بعشر شهور نافذة.
