وكالات //

كشفات الصحيفة ديال ديلي ميل البريطانية على واحد الستاتو كيصدم، بارطاجاه ولد أنجلينا جولي وبراد بيت بالتبني في الكونط ديالو في إنستغرام عام 2020، وقت كان فعمرو 16 عام.

هاد الولد لي سميتو باكس بارطاجا مع صحابو واحد الصورة ديال باه بالتبني وهو هاز الجائزة ديال الأوسكار بمناسبة عيد الأب.

ولي ماشي عادي فهاد البوسط أن باكس كتب معها واحد الرسالة كيوصف فيها باه بـ”الحقير من الطراز العالمي، لي خلا ولادو الـ4 كيترعدو من الخوف.”

وكتب باكس: حولتي الحياة دالناس لي قراب مني لجحيم، يمكن ليك تقول لراسك وللعالم لي بغيتي، ولكن الحقيقة غادي تبان واحد النهار.

وسالا الرسالة ديالو بعبارة خطيرة هي: عيد أب سعيد جدًّا، أيها الإنسان الفظيع.