وكالات//

خطفات كاي ترامب الحفيدة ديال الرئيس دونالد ترامب الأضواء في حفل التنصيب ديالو رئيس جديد ديال ميريكان نهار الاثنين، بسبب الإطلالة الواعرة ديالها ولات هي الحديث ديال رواد مواقع التواصل الاجتماعي، واللي وصفوها بالزوينة والراقية.

وكشفات كاي لي عندها دابا 17 عام على الإطلالة ديالها بواحد الفيديو نشراتو على الكونط ديالها في موقع إنستغرام، لي كيتابعها فيه أكثر من مليون واحد.

وخدات فهاد الفيديو مئات آلاف الإعجابات والتعليقات، وخلات كومونطير تحت الفيديو كتبات عليه: “واجدة للشطيح”.

وكشفات كاي على موقع يوتيوب، أن المصممة الأمريكية شيري هيل سيفطات ليها 3 ديال اللبسات واعرين باش تلبسهم في اليومين لي من المقرر أنه غادي يكون فيهم الحفل ديال تنصيب جدها ترامب. واحد باللون الأحمر والثاني بالفضي والثالث بالأزرق.