الرئيسية > آش واقع > الحصيلة الوبائية لفيروس كورونا فهاد 24 ساعة: 99 تصابو و71 تشافاو وواحد مات.. الطوطال 7532 إصابة و200 متوفي و4774 متعافي
25/05/2020 18:30 آش واقع

الحصيلة الوبائية لفيروس كورونا فهاد 24 ساعة: 99 تصابو و71 تشافاو وواحد مات.. الطوطال 7532 إصابة و200 متوفي و4774 متعافي

الحصيلة الوبائية لفيروس كورونا فهاد 24 ساعة: 99 تصابو و71 تشافاو وواحد مات.. الطوطال 7532 إصابة و200 متوفي و4774 متعافي

عفراء علوي محمدي- كود//

اعلن محمد اليوبي، مدير مديرية الأوبئة ومحاربة الأمراض فوزارة الصحة، على تسجيل 99 إصابة جديدة بفيروس كورونا المستجد فهذ 24 ساعة الأخيرة، أي من الربعة دلعشية لبارح الأحد حتى للربعة دالعشية اليوم الإثنين، وهكذا وصل عدد المصابين فالمجموع لـ7532.

وكشف اليوبي، فالندوة اليومية للترصد الوبائي لفيروس كورونا المستجد، أن 85 من هذ الحالات الجديدة تم اكتشافها عن طريق عملية تتبع المخالطين لحالات مرضية أخرى، و61 حالة منها تكتاشفات فجهة كازا سطات، و24 فجهة طنجة تطوان.

واليوم تسجلات غير وفاة جديدة وحدة، وبلغ العدد فالمجموع 200، ونسبة الإماتة استقرات ف2,7 فالمية.

وبالنسبة للناس اللي تشافاو بالفيروس، تسجلات اليوم 71 حالة، وبلغ المجموع ديال حالات الشفاء لـ4774، بنسبة شفاء د 63,4 فالمية.

وشار اليوبي بللي اليوم ارتفع تم استبعاد 9222 حالة كان مشتبه إصابتها بالفيروس، وبلغ عدد الحالات المستبعدة فالمجموع 144 ألف و671 حالة.

ومؤشر انتشار المرض سجل انخفاض طفيف حسب اليوبي، بحيث وصل ل0,76، لكنه كيختلف من جهة لأخرى، حيت بلغ فجهة كازا سطات 0,93، وهو أعلى مؤشر كاين فشي جهة لحد الساعة.

وهذا توزيع الإصابة بكورونا فالجهات بالنسبة المئوية:

موضوعات أخرى

12/07/2020 13:00

شكون قرصن صفحة الفايس ديال هشام العلوي ولد عم الملك؟: لا ندري ما الهدف.. وتعليقات مسيئة لمحمد السادس ما حيدهاش باش دار تدوينتو