كود سبور//

طلب الحسين رحيمي اللاعب المعار من الرجاء الرياضي لشباب السوالم المسامحة من الجماهير ديال الخضرا حيث ماركا عليه، وأكد أن خوه سفيان هو القدوة ديالو.

وقال الحسين رحيمي ملي سالا ماتش الرجاء والسوالم فتصريح لميكرو “گود”: “الشعور ديالك وانت كتماركي على الفريق ديالك الأم هو شعور مختلف ولكن كديرها الظروف”.

وبخصوص المستوى ديال خوه سفيان قال الحسين رحيمي: “هذا الشي كيخليك تزيد تخدم حيث كتشوف خوك كان معك فدار وكتشوفو احترف وحقق بزاف ديال الحوايج”.

وكمل رحيمي الصغير وقال على خوه سفيان: “كنتمنى لسفيان مسيرة موفقة والرجوع ديالو للمنتخب المغربي غيعطيه حافز كبير باش يقول الكلمة ديالو من هنا القدام وهو القدوة ديالي وشفتو ملي بدا من الزيرو”.