الرئيسية > آش واقع > الحسين الوردي: الدوا فالمغرب غالي بزاف والضريبة عليه المواطن هو اللي كيخلصها وميزانية وزارة الصحة ماكافياش
22/04/2021 23:00 آش واقع

الحسين الوردي: الدوا فالمغرب غالي بزاف والضريبة عليه المواطن هو اللي كيخلصها وميزانية وزارة الصحة ماكافياش

الحسين الوردي: الدوا فالمغرب غالي بزاف والضريبة عليه المواطن هو اللي كيخلصها وميزانية وزارة الصحة ماكافياش

عمر المزين – كود – مكتب الرباط //

رسم الوزير السابق للصحة، الحسين الوردي، صورة قاتمة عن الوضع الصحي ببلادنا، ودافع مساء اليوم الخميس في لقاء له عن تصنيع الأدوية محليا حقاش الدوا غالي بزاف فالمغرب.

ودعا المسؤول الحكومي السابق إلى تخفيف أثمنة الدواء في المغرب، مضيفا بالقول: “الضريبة على الأدوية راه كيخلصها المواطن. ودبا الوزارة مخاصهاش تبقى تدير كولشي. ومعروف فالسياسة الدوائية وزارة الصحة هي اللي كترخص وهي كتعطي الدوا وكتخلص.. هادشي ماخاصوش يبقى”.

وأضاف: “الوكالة الوطنية للأدوية والمنتجات الصحية خاصها تاخد قرار لراسها و وزارة الصحة خاصها تتكلف بالعلاج فقط وماخاصهاش تتدخل ف باقي الأمور”.

وقدم الوزير السابق للصحة معطيات عن السياسة الدوائية، وكشف أن 34 من المية من نفقات الأسر المغربية على التطبيب كتمشي فقط ف الدوا، داعيا في نفس الوقت إلى تطوير وتعزيز السياسة الدوائية.

وأوضح أن ميزانية وزارة الصحة غير كافية لتأهيل القطاع في تنزيل الحماية الاجتماعية، وقال : “لا يعقل طبيب مغربي  كيقرا 8 سنوات و6 أشهر ويشد 8000 درهم.. وبغيتيه يمشي للمناطق النائية ومزوج وعندو ولادو”، على حد تعبير الوزير السابق.

موضوعات أخرى

17/05/2021 20:20

الحكومة و رجوع مغاربة العالم فهاد الصيف.. النائب البرلماني حجيرة: خاصها توضح الإجراءات اللي موجدة لهاد العملية – وثيقة