كود سبور//
قربو حسنية اكادير يديرو مدرب جديد لتدريب الفريق فبلاصة القمري-الفرنسي امير عبدو اللي مشى بحالو وتفارق مع النادي من طرفو هو، والحسنية راه متابعين هذا الشي قانونيا باش يدافعو على حقوقهم.
وكشفت مصادر مطلعة، ان حسنية اكادير قربو يسنيو مع المدرب هلال الطير، باش يتولى قيادة الفريق للسوسي خلال المرحلة المقبلة، وغير جزئيات كاتفصل الطرفين على التوقيع.
وكان شاد هلال الطير اتحاد طنجة مع بداية الموسم، قبل ما يقررو يتفارقو معه وهذا الشي اثر على الفريق والنتائج ديالو، وبالمقابل فحسنية أكادير باغيين يزيدو للقدام فالكلاسمون ديال البطولة.
