كود سبور- برشيد//

حقق فريق حسنية أكادير مفاجأة كبيرة ضد نهضة بركان أبطال المغرب، وربحوهم اليوم الاحد فتيران برشيد برسم الدورة 26 من البطولة الاحترافية لكرة القدم، والحسنية اللي دخلو الماتش عند برشيد.

وسالا الماتش بين حسنية أكادير ونهضة بركان بنتيجة 2 لزيرو لمصلحة الفريق السوسي، وماركا الهدفين ديال رباح الحسنية كل من جمال الشماخ الدقيقة 1 والكونگولي كاتي جويز فالدقيقة 25، وعرف الماتش تنقل مهم لجمهور الحسنية من أكادير لبرشيد.

وبهذه النتيجة خداو حسنية أكادير 3 نقاط مهمة، ورفع الفريق الرصيد ديالو إلى 29 نقطة، وكايقلبو يخورجو من المركز 13 اللي كايلعب براج الطيوح للقسم الثاني، وبعاد على المركزين 11 و12 غير بجوج نقاط، أما نهضة بركان راه ديجا ضمنو التتويج باللقب وعندهم 60 نقطة.