الرئيسية > آش واقع > الحزب الشعبي الاسباني لوزيرة الخارجية: سيستو الازمة مع المغرب وبينتو فشلكم وضريتو صورة البلاد ولايا تهربات وعطاتها للانشاء
09/06/2021 10:00 آش واقع

الحزب الشعبي الاسباني لوزيرة الخارجية: سيستو الازمة مع المغرب وبينتو فشلكم وضريتو صورة البلاد ولايا تهربات وعطاتها للانشاء

الحزب الشعبي الاسباني لوزيرة الخارجية: سيستو الازمة مع المغرب وبينتو فشلكم وضريتو صورة البلاد ولايا تهربات وعطاتها للانشاء

كود مدريد ///

هاجمت البرلمانية عن الحزب الشعبي الاسباني المعارض فلانتينا مارتينيث اليوم ف”الكونگريسو” وزيرة الخارجية ارانشا لايا. وقالت البرلمانية “انتوما بغيتو تسيسو الازمة مع المغرب. دخلو غالي =ابراهيم غالي زعيم البوليساريو= باسم مزور وبايدن =رئيس امريكا= ما داهاش فاسبانيا واستثناها من جولتو الاوربية.

البرلمانية اكدات ان الازمة مع المغرب غير جزء من مسلسل متاعب كتعيشها السياسية الخارجية للحكومة. وان هاد المتاعب كتضرب مصداقية الدولة واللي ولات نقطة ضعف مثالية بلادنا.

الناطقة الرسمية باسم الحزب الشعبي المكلفة بالسياسة الخارجية قالت ان اسبانيا محتاجة حكومة عندها ثقة ومصداقية ومحترمة خارج حدودنا” وان “سياسة خارجية قوية وفعالة وعاقلة باش تسمح لبلادنا نديرو علاقات فيها حسن الجوار مع المغرب وباقي الشركاء والحلفاء.

الوزيرة ردت باللي بلادها ما كتقلبش وما باغياش ازمة مع المغرب وباللي مستعدة تشوف المستقبل بالحوار باش نسترجعو تعاون نموذجي اللي كيعطي نتائجو الكبيرة للاستقرار والرخاء ووعدت باش تبع هاد الطريق.

طبعا رد ما جاوباتش فيه على السؤال المهم. علاش دخلو غالي بباسبور مزور. علاش ما خبروش المغرب. علاش جابو الجلاد فالوقت اللي علن فيه حرب على المغرب واش من دور للجزائر فهاد الشي.

موضوعات أخرى

17/06/2021 23:00

بعد 71 يوم من الإضراب على الماكلة. الريسوني من الحبس: إلى كنت هتكت عرض شي حد بغيت ربي يجيب اللي يهتك عرض ولدي.. وقالي الطبيب عمرني نرجع نحس برجلي اليمنية