كود – سبتة //

عرفات منطقة الحدود حدا مدينة سبتة المحتلة محاولة جديدة د االحريگ بالباراشيت، غير هو العملية مكتابش لها تنجح.

Un inmigrante intenta cruzar en parapente a Ceuta sin éxito

الحرس المدني الإسباني أكد العملية لي فشلات وقال الحراگ مقدرش يتخطا  الݣرياج،قبل ما دخل السلطات المغربية

وبحسب معطيات إعلامية إسبانية، من بينها El Faro de Ceuta،  الحراݣو ولاو  كيسجلو هذه المحاولات  بفيديوات كتبين مراحل التدريب والتحضير للطائرات الشراعية، قبل ماتنشر على وسائل التواصل الاجتماعي.

فحالات قليلة من قبل، قدرو شي وحدين يوصلو  للمدينة، بهاد الطريقة ،ووسائل إعلام إسبانية قالت باللي جوج قدروا يدوزو، فالأول الحكومة الإسبانية نفت أنها عارفة بهاد المعطيات، ولكن من بعد الحرس المدني أكد باللي فعلاً كانت شي حالات من هاد النوع.

من جهتها السلطات المغربية كانت من قبل علنات على تفكيك شبكة  كانت كتنسق للحريݣ بالباراشيت وتشدّو عدد من الأشخاص فمناطق جبلية قريبة من الحدود، وزادو حتى كترو  المراقبة فالمناطق الغابوية باش ينقصو من هاد المحاولات.