الرئيسية > كود سبور > “الحريگ” وصل لعابة البطولة…كلوش لعب مع بونو ف المنتخب هاجر لإسبانيا ف الفلوكة
21/10/2019 14:15 كود سبور

“الحريگ” وصل لعابة البطولة…كلوش لعب مع بونو ف المنتخب هاجر لإسبانيا ف الفلوكة

“الحريگ” وصل لعابة البطولة…كلوش لعب مع بونو ف المنتخب هاجر لإسبانيا ف الفلوكة

مصطفى الشاذلي كود ///

هشام كلوش، لاعب جمعية سلا، الممارس بالبطولة الاحترافية للقسم الثاني، قرر يحرگ لإسبانيا نهار السبت، لي فات عبر قارب الموت.

كلوش سبق ليه لعب مع ياسين بونو ف المنتخب الوطني للشباب وكان أحد الركائز الأساسية بفريق جمعية سلا، حتا منين كان في القسم الاول.


مصادر قريبة من هاد اللعاب، أكدت ل”كود “، بلي كان كيعاني من مشاكل مادية كبيرة، خصوصا بعدما فقد الرسمية ديالو بسبب كثرة العمليات الجراحية لي دار، وهي من الاسباب لي دفعتو يهاجر ف الفلوكة إلى إسبانيا للبحث عن مستقبل أفضل ولو كان المصير ديالو الموت في قاع البحر.

جمهور جمعية سلا تفاجأ باختفاء اللاعب كلوش أو بالأحرى اختيار القارب الموت للهجرة نحو إسبانيا وتداول عبر مواقع التواصل الاجتماعي في الفايسبوك صور هاد اللاعب وهو بقميص جمعية سلا والمنتخب الوطني رفقة الحارس ياسين بونو، الشيء لي خلف استياء كبير من قبل جمهور ومكونات جمعية سلا.

موضوعات أخرى

17/11/2019 17:30

سكوب. ها قصة فيديو يوتيوب اللي فيه اتهامات خطيرة بزاف لمسؤولين أمنيين. بطله مكحلها وروشيرشي فجرائم ثقيلة تجبدات فيها لملايير

17/11/2019 16:00

سبعة ديال الحوايج كايخليوك تكره تتعامل مع اغلب الحرايفية ! كانتعامل مع شي حرايفي و لا شي صنايعي كانكحل بالعما حيت ماكايحتارموش الوقت و ماكايتقنوش الخدمة ديالهم ! واش كلكم فحالي و لا غي بوحدي ؟