كود – كازا ///

“الحريگ” عومان لسبتة ما بقاش كيغري غير المراهقين، بل حتا الدريات القاصرات. وحسب جريدة “إل فارو دي ثيوتا”، 2 قاصرات من الفنيدق غامرو بحياتهم. وحدة وصلات والثانية واجهات خطر الموت وسط البحر.

وكانت الصحيفة المذكورة قد أطلقت نداء للبحث عن فتاة مغربية كتبلغ من العمر 16 عام، من مدينة الفنيدق، سميتها وصال غبرات وسط البحر. ف الوقت اللي قدرات صاحبتها توصل على خير وداوها لمركز استقبال.

وحسب المصدر ذاته، توصلات عائلة الشابة بمعلومات حول الصعوبات اللي عرفاتها الابنة ديالهم وسط أمواج البحر، بسبب العياء وعدم قدرتها على مواصلة السباحة إلى شواطئ سبتة، لكنها ف الأخير تبين أنها قدرات ترجع بشكل آمن للبلاصة اللي بدات منها هاذ المغامرة المجنونة.

Buscan a una menor desaparecida al intentar el pase a Ceuta