كود الرباط//

مسيرة الأحد  اللي شاركو فيها أطياف إسلامية ويسارية دعما لحركة حماس ضد إسرائيل، غابو عليها أطياف كثيرة من المجتمع المغربي، خصوصا الفاعل الأمازيغي لي قرر يقاطع هاد المسيرة “الشعبوية” ماشي الشعبية.

هاد المسيرة لي ركبات عليها العدل والإحسان لي دارت إنزال قوي وسيطرة على مفاصيل المسيرة ورفعات شعارات ضد الدولة.

وحسب ناشط أمازيغي عاين المظاهرة، أكد لـ”كود” بأن المسير  تنفيس بسيكولوجي للتيارات الإسلامية خصهم متنفس قبل ما يتطرقو لأن المنع ليس في صالح الدولة”، مضيفا بأن الإسلاميين دوزو أصعب فترة منذ الانتخابات مفقوصين وخصهم متنفس اليوم لقاوه.

العدل والإحسان رفع شعار “يا مخزن يا ملعون فلسطين في العيون” والتطبيع يطلع برا ووو.. طبعا هوما بغاو هاد المتنفس بعدما تبين بلي مبقا عند الإسلاميين تا شي دور فالمجتمع. دبا رجعو للدور القديم “البكائيات” والشعارات اللي بال عليها الزمن.

فهاد المسيرة  المتظاهرين هزو أعلام فلسطين بزاف، والأعلام المغربية قليلة. قلوبهم مع الشرق كثر من المغرب.