كود – كازا ///

قالت جريدة “أوكدياريو” الاسبانية، الحرس المدني صادر طوابع بقيمة 98 ألف يورو على متن رحلة جوية ربطات بين مطاري كازا وفالنسيا. ويتعلق الأمر بحوالي  42.766 من الطوابع الفرنسية والبريطانية والإسبانية واللي كاينة شكوك فـأنها مزيفة.

وتم ضبط هاذ الكمية ديال الطوابع فـ الباكاج ديال صبليونية من أصل نيجيري كتبلغ من العمر 39 عام. وتم إخضاع المعنية بالأمر للتفتيش الدقيق بسباب علامات التوتر اللي ظهرتت عليها فـ منطقة استلام الأمتعة بمطار فالنسيا، مما أثار شكوك موظفي الجمارك والحرس المدني.

وقد طلب الحرس المدني من المرأة وثائق لتحديد الهوية ديالها، وتبين أن عندها سجلات عديدة لجرائم الاحتيال. وتم إرسال الطوابع إلى المعمل الجنائي، اللي غادي تبين الخبرة ديالو واش طوابع أصليين أو مزورين.