كود – وكالات//

علن الحرس الثوري الإيراني الاثنين بلي غادي يسدّ مضيق هرمز، وهدّد بأنه غادي يحرق أي سفينة تحاول تدوز منو، حسب ما قالت وسائل إعلام إيرانية، وجا هاد الشي فتصريحات ديال اللواء إبراهيم جباري، مستشار قائد الحرس الثوري الإيراني.

وقال المستشار بلي “مضيق هرمز راه رسميا تسدّ، وأي سفينة غا تحاول دوز غادي يتم استهدافها وحتى خطوط أنابيب النفط.

وما غاديش نخليو تخرج حتى قطرة ديال البترول من المنطقة”، وزاد قال بلي “ثمن النفط يقدر يوصل فالأيام الجاية حتى لـ200 دولار‘‘.

فنفس السياق وفحوارو مع New York Post قال ترامب: “ما عنديش حتى تردد باش نرسل قوات برية لإيران، إلا كان ضاروري”. وزاد قال باللي ما كيهموش واش استطلاعات الرأي طالعة ولا هابطة، واعتبر أن إيران اللي وصفها بدولة كيسيروها “ناس حماق”، خاص مايكونش عندها سلاح نووي، من جهة أخرى وزير الدفاع الأمريكي Pete Hegseth  ما نفاش إمكانية يسيفط قوات برية، ولكن قال ما غاديش نوريو شنو ناويين نديرو قدام العدو.