الرئيسية > كود-تيفي > الحرب الافتراضية بين سعد وحاتم بدات.. وصحاب لمجرد دارو الحمية ضد عمور
29/01/2020 18:00 كود-تيفي

الحرب الافتراضية بين سعد وحاتم بدات.. وصحاب لمجرد دارو الحمية ضد عمور

الحرب الافتراضية بين سعد وحاتم بدات.. وصحاب لمجرد دارو الحمية ضد عمور

نجوى المالحي-كود//

إلى حدود نهار الاثنين العلاقة بين المغنيين سعد لمجرد وحاتم عمور كانت عادية ومستقرة وماكين حتى مشكل، لكن ملي بان الفيديو القديم ديال حاتم عمور وهو كيقول أنه ماشي بريء في قضايا الاغتصاب لي متابع فيها في فرانسا، وهي القضية تشقلب.

التبركَيكَة لي جابت “كَود” أن لي نوض العافية هوما المقربين ديال لمجرد وصحابو لي بداو كيترادو مع حاتم عمور ويحطو في التدوينات والستوريز كيحشيو في المعاني.

لمجرد حسب تبركَيكَتنا مداهاش في الفيديو حيت كيعيش ستريس المحاكمة في فرانسا بعدما بدلو ليه التهمة من تعنيف جنسي لاغتصاب، لكن صحابو أثرو عليه وهو يحيد حاتم عمور من انستكَرام والأخير دار نفس الأمر.

الفيديو ديال حاتم عمور لي كيدوي فيه على لمجرد مدارش هاد الضجة ملي خرج في 2018 ولكن اليوم وخصوصا أنه خرج فهاد الفترة الحرجة خلا العلاقة بيناتهم تترون.

موضوعات أخرى

22/02/2020 20:30

المحمدية من مدينة ديال الورد لمدينة تحتل شوارعها الكلاب.. السلطات باغيين حل وخايفين يتكرر سيناريو الكلاب المسعورة ديال الحسيمة وانزكان وكلميم