وكالات//

الحرارة في ريو دي جانيرو طلعات بلا قياس ووصلات لـ50 درجة وهادشي لي هلك بنادم والحيوانات.

حديقة الحيوانات بريو دي جانيرو لقات واحد الحل زوين لي تبرد بيه على سبوعة لي قتلهم الصهد ودارت ليهم لاكلاص ببنة ديال الدم والدجاج والكفتة.

مارينا مورايس، عالمة الأحياء في حديقة الحيوانات بريو دي جانيرو كالت أن هادشي داخل في إطار البرنامج الترفيهي ديالهم، كتخلي الحيوانات تبرد، وحتى الناس لي كيجيو للحديقة يتمتعو وهما كيشوفو الحيوانات كياكلو لاكلاص.

من غير سبوعة، الحديقة كتعطي الآيس كريم ديال ديسير للحيوانات الأخرين كل واحد وعلى حسب كل حيوان.