عمر المزين – كود//
عافيات كبيرة شعلات في غابة حدا طريفة أقصى جنوب غرب الصبليون، وهادشي خلا السلطات ديال لبلاد باش تخوي 7 فنادق ومخيمين حسب ما كشفت عنه “أ.ف.ب”.
أنطيونيو سانر وزير الداخلية فالحكومة بإقليم الأندلس كشف أن السلطات كانت مضطرة باش تجلي عدد كبير من الناس و5000 سيارة بالزربة، وذلك لتفادي شي خسائر بشرية وخسائر في الممتلكات، مشيرا إلى أن الوضع مزال معقد والسيطرة على هاد العافية مزال مسالات.
سلطات الصبليون، حسب المسؤول الحكومي، سخرات 17 طيارة للمشاركة في عمليات إخماد هاد العافية لكبيرة، فيما أعلنت خدمات الطوارئ فهاد المنطقة أن الطريق الرئيسي اللي كيدي للساحل تشد بسبب هادشي اللي واقع دبا.
