وكالات//

حكمات محكمة بريطانية بسجن ريدان جاميسون، اللي عندو 28 عام، لمدة 35 عام، من بعد ما تْدان بمحاولة قتل بنتو الرضيعة فحادثة توصفات بأنها من أبشع جرائم العنف الأسري.

وسمعات محكمة سوانسي كراون باللي جاميسون رمى الطفلة فوق جهاز تلفاز خلال نوبة غضب ما كانش متحكم فيها، ومن بعد خرج وخلا المكان بلا ما يتأكد من السلامة ديالها.

وذكرت جريدة “ويلز أونلاين” أن القاضي وصف المتهم بأنه ما كيبان عليه حتى شي ندم حقيقي على اللي دار، ومشدّد على خطورة الأفعال ديالو وغياب المسؤولية الأخلاقية عندو.

وقالت المدعية العامة كارولين ريس إن فرق الإسعاف تعيط ليها لواحد الدار، فين تْنقلات الطفلة بسرعة لمستشفى غلانغويلي، ومن بعد تحوّلات لمستشفى جامعة ويلز فكارديف.

ووضح الأطباء باللي الفحوصات بيّنت إصابات خطيرة، من بينها نزيف فالدماغ، وكسر فالجمجمة، وكدمات قوية، الشي اللي خلاها تحتاج لعناية طبية متخصصة.

وأصدر القاضي بول توماس، رئيس المحكمة العليا، الحكم ديالو بالسجن 35 عام، من بعد ما تنقصات العقوبة بنسبة 12.5% حيث المتهم اعترف بالذنب، ووصّف الاعتداء بأنه “فعل فيه قسوة كبيرة وأنانية بشعة”.