وكالات //

حكمات واحد المحكمة مصرية بالحبس وغرامة مالية ثقيلة على واحد الفنانة تشكيلية مصرية بعدما تورطات فالسرقة ديال أعمال واحد الفنان تشكيلي روسي.

هاد الفنانة سميتها غادي والي، وبدات كتشهر ف بلادها حينت دارت بزاف ديال العروض تشكيلية فبزاف ديال المدن المصرية، وضربات مارشيات حتى مع الدولة.

دابا المحكمة الاقتصادية ديال مصر حكمات عليها بستة شهور ديال الحبس وغرامة مالية القدر ديالها 10 آلاف جينيه على كل لوحة سرقاتها من الفنان التشكيلي الروسي، بالإضافة إلى 100 ألف جنيه بسباب الدعوى المدنية.

وكان الفنان الروسي جورجي كاراسوف اتاهم الفنانة المصرية أنها سرقات ليه الأعمال ديالو باش دارتهم فواحد البروجي ديال الدولة فميترو الأنفاق.