كود سبور//

منير نصراوي ولد لامين يامال لاعب البارصا ومنتخب الصبليون، ناعس فالسبيطار، بعدما تعرض لاعتداء بالسلاح الأبيض مساء الاربعاء فمدينة برشلونة.

وحسب موقع “relevo” الاسباني، فوالد لامين يامال كاين حاليا فالسبيطار، والحالة الصحية ديالو مستقرة، ولكن خاصو يبقى تحت المراقبة الطبية.

نفس المصدر، وضح أن البوليس الاسباني شدو 3 المشتبه فيهم وواحد مازال كايقلبو عليه، متهمين بالاعتداء على منير نصراوي والد لامين يامال، وأن الحادث ماشي صدفة وربما سبقو شي خصام فوقت سابق ما بين والد يامال والمتورطين فالاعتداء عليه، وهذا الشي قبل ما يطعنوه فباركينگ ديال الطوموبيلات بالحي اللي ساكنين فيه.