وكالات//

نجحو رجال الوقاية المدنية فالعراق فإخراج طفل باقي حي، بعدما طاح فواحد البير عميق، من بعد ساعات ديال الحفر فالبلاصة، بالمساعدة ديال السكان.

وقعات هاد االحادثة البارح الأحد، فدوّار اسميتو “الخليوية” تابع لدائرة الإصلاح فإقليم ذي قار فالعراق، ملي طاح واحد الطفل مازال ماكملش أربع سنين فالبير وبقا معلق تماك لساعات.

بانو فتصاور من البلاصة ديال الحادث، رجال الإنقاذ كيتقاتلو باش يوصلو للطفل، وناس من الساكنة واقفين كيتفرجو فديك اللحظات لي كتشدّ النفس.

وذكرت وسائل إعلام عراقية، أن عملية الإنقاذ استغرقات ربعة ديال السوايع، وكتملات بسلام، مللي خرجو الطفل من داك البير الضيق ديال الما.