وكالات//

جورنال ديلي ميل البريطاني قال إن الجيل الجديد ما بقاش قادر يقرا الوقت على المكَانة ديال الحيط لي فيها العقارب، بسبب الصيغة ديال الساعة الجديدة لي كاينة في التلفونات الرقمية.

قراءة الساعة ديال الحائط تعرضات في امتحان المرحلة الثانوية (GCSE) في إنجلترا وويلز وأيرلندا الشمالية، والطلبة لي سنهم بين 14 و16 عام فشلو باش يعرفو الوقت في هاد النوع في الساعة.

وبالإضافة للتلفونات من الأسباب لي خلات التلاميذ ما يعرفوش يقراو الساعة الحائطية هو أن أغلب المدارس في بريطانيا كتعتمد على الساعة الرقمية وحتى في قاعات الامتحانات تحيدات الساعة الحائطية.