كود كازا//

موضة الاحتجاج بالسترات في المغرب غادية وكتنتشر. بزااف ديال الهيئات المهنية تبنات فكرة الاحتجاج بالسترات للمطالبة بتحقيق مطالبها.

من بين هاذ الهيئات كاين التقنيين اللي خدامين في الإدارات والمصالح العمومية واللي داخلين في إضراب حتال 24 دجنبر الجاري، اللي كيخدمو بالجيليات الصوفر كطقس احتجاجي على مطلب الترقية الادارية والوضعية المادية.

الاطباء ديال المستشفيات العمومية في بداية الاسبوع الحالي لبسو جيليات كوحل باش ينبهو الوزارة لملفهم المطلبي. نفس الأمر بالنسبة لجماهير نادي الجيش الملكي اللي طالع ليهم الدم من مستوى الفريق ودخلو التيران لابسين جيليات صوفر. هيئات مهنية أخرى كتفكر في تدشين أيامها الاحتجاجية بالجيلي..