الرئيسية > كود سبور > الجيش غادي يستقبل الجديدة فالقنيطرة.. رباح صيفط الترخيص لحرمو
29/09/2019 16:00 كود سبور

الجيش غادي يستقبل الجديدة فالقنيطرة.. رباح صيفط الترخيص لحرمو

الجيش غادي يستقبل الجديدة فالقنيطرة.. رباح صيفط الترخيص لحرمو

مصطفى الشاذلي – كود سبور//

رسميا فريق الجيش الملكي غادي يستقبل الدفاع الحسني الجديدي بالملعب البلدي فالقنيطرة نهار الأربعاء الجاي، ضمن ثمن نهائي كأس العرش.

عبد العزيز رباح، رئيس المجلس البلدي صيفط الترخيص للجنرال محمد حرمو، رئيس الجيش الملكي، باش يتلعب الماتش ديال الجديدة فالملعب البلدي فالقنيطرة.

وسبق لإدارة الجيش الملكي أن راسلت عامل القنيطرة فؤاد المحمدي وعبد العزيز رباح باش يستقبل الجيش الملكي الدفاع الجديدي، بسبب الإصلاحات، التي يخضع لها ملعب الأمير مولاي عبد الله فالرباط.

مسؤولو الجيش غادي يجتمعوا غدا مع البوليس قالقنيطرة، باش يرتبوا الماتش مزيان.

البوليس ديال القنيطرة غادي تكون عندو لاليرط نهار الأربعاء، خصوصا أنه كيجي بعد الأحداث اللارياضية، لي وقعت فمنطقة الهراويبن، فاش كان جمهور الجيش متوجه يوم الثلاثاء الماضي إلى مركب محمد الخامس فالدار البيضاء، لتشجيع فريقه أمام الوداد البيضاء في سدس عشر نهائي كأس العرش.

هاد الأحداث طاحت فيها روح وتضربوا بزاف ديال المشجعين.

موضوعات أخرى

20/10/2019 22:00

ولد “إل تشابو” أكبر بزناس فالعالم دار ليهم داكشي ديال “الجوكير”.. شدوه البوليس وصحابو ناضو حيحو فالزنقة والبوليس طلقوه – فيديو