سامي العلوي -كود كازا //

المركز القضائي ديال جوندرام ولي تابع سرية سطات غادي يبدا تحقيقاتو مع رئيس جماعة سطات من بعد ما حال عليه وكيل الملك بالمحكمة الإبتدائية بسطات شكاية من مواطنين على موضوع العربات بالدواب المجرورة.

الشكاية لي جابت “كود” نسخة منها مرفوعة من أجل خيانة الأمانة واستغلال النفوذ والشطط في استعمال السلطة بحيث انهم بغاو ياخذو الدواب ديالهم ولكن الرئيسة ما تسوقاتش ليهم.

وكانت “كود” قالت ان مصيبة وقعات فمدينة سطات وسببها رئيسة المجلس الجماعي ديال المدينة لي مخليا مجموعة من الدواب المحجوزه من طرف السلطات المحلية تتموت فالجوع حيت ان هذا الحيوانات لي ماتو معندهاش صوت باش تعبر على المعاناة ديالها ، وذلك بعدما ماتو بسبب الإهمال، بلا ما تعطيها الرئيسة الماكلة.

دبا راه جمعيات دخلات على خط هذا القضية يموت الحمير بسباب الجوع والعطش او حملو المسؤولية رئيسة المجلس البلدي ديال سطات المسؤولية المباشرة حيت هي المسؤولة الأولى على تدبير المحجز البلدي، سواء بالإهمال أو بعدم اتخاذ الإجراءات اللازمة باش تضمن معاملة إنسانية للحيوانات المحجوزة.