سعيد بوناصر – كود //

تمكنات عناصر الدرك الملكي البارح، من اعتقال جوج دناس لقاوهوم متلبسين كيشرجيو كاميون بالرملة، نواحي جماعة “راس الما” الساحلية فإقليم الناظور.

هاد جوج هما سيغور ديال طراكس (شارجوز) وواحد مول رموك كانو كيشرجيو الرملة من وسط حي سكني، وخا حاولو باش مايعيقوش، ولكن اليقضة ديال عناصر الدرك طيحاتهوم فالشبكة.

الجوج تم إعتقالهم، كيفما تفتح تحقيق باش يوصلو لباقي المتورطين فعلمية الشفرة ديال الرملة، اللي ولات كثيرة فالمنطقة وكيتم عبرها استنزاف الثروات الطبيعية ديال البلاد.

وحسب مصدر محلي، بحال هاد الناس ولاو موجودين بزاف، كيستغلو بعض المناطق كيشرجيو منها الرملة، اللي هي فالأصل نشاط تجاري كيصورو منو الملاين يوميا، وخا ما عندهوم لا كاريانات لارخص ولا هم يحزنون.