كود سبور//

عبر الجنوب إفريقي رولاني موكوينا مدرب الوداد الرياضي على الشكر الكبير للمغاربة، على الترحيب اللي لقاه منهم ملي جا للمغرب، وعلى التأثر الكبير بهدية الدراعية الصحراوية اللي عطاوها له شباب المسيرة العيون خلال الماتش ديال الفريقين ضمن دوري التميز.

وبعد نهاية الماتش بين الوداد الرياضي وشباب المسيرة العيون فتيران العربي الزاولي فكازا، هضر رولاني موكوينا خلال الندوة الصحافية وقال: “فاللحظة اللي عطاوني الهدية جاتني البكية، والهدية هي تعبير من المغاربة على حبهم ليا، وبعد المرات كنحس أنني مازال ما كنستاهلش هذا الحب ديال الجمهور ليا حيث مازال ما عطيت للنادي داكشي اللي كايستاهل”.

وكمل رولاني موكوينا، وقال: “ملي عطاوني شباب المسيرة الهدية وليت كانبغي الفريق ديالهم وكانتمنى لهم التوفيق”.