كود سبور//

جا الجنوب إفريقي ليبو موتيبا اللاعب السابق لستراسبورگ الفرنسي للمغرب، وسط معلومات كاتقول أنه غايسني مع الوداد الرياضي خلال الميركاتو الشتوي المقبل.

حضر الجنوب إفريقي ليبو موتيبا لماتش الوداد الرياضي والمغرب الفاسي اللي بادي دابا فتيران العربي الزوالي بالدار البيضاء، وكايتفرج من المنصة فالماتش وتلاقى معه أيت منا رئيس الوداد وسلم عليه.

وكاتقول معلومات أن المهاجم الجنوب إفريقي داخل في مفاوضات مع الوداد الرياضي وغايكون من الانتدابات ديال الفريق خلال الميركاتو الشتوي المقبل، مع العلم أنه تفارق مدة هادي مع ستراسبورگ الفرنسي وتقريبا 6 شهر ما كايلعبش.