كود الرباط//

بدل كثرة الهضرة ديال السياسيين لي ما كتنفع المواطنين. الجمعيات فرحانة بالوزير الجديد فقطاع الصحة أمين التهراوي ومنخرطة في مشاريع باش تعاون في تقديم الخدمات الصحية للسكان في المناطق الصعبة.

بحال هذ الخدمة هي لي كتناسب البروفايل دالوزير الجديد لي كيأمن بالعمل والإنجاز بدل الكلام والتصاور”.

“كود” شافت نماذج زوينة لجمعيات خدامة في صمت باش تحسن الخدمات الصحية للسكان  ديال المناطق الصعبة وفي اقليم الحوز لي ضربو زلزال، بحيث استطاعت جمعية سميتها مؤسسة بسمة للتنمية الاجتماعية تفتح مركز الرعاية الصحية الأولية لسكان جماعة أغبار المتضررين من زلزال الحوز.

هذ المركز الصحي غايقدم خدمات طبية لأكثر من 4600 نسمة من سكان الجماعة، بما في ذلك استشارات وفحوصات طبية عامة، واستشارات طبية متخصصة للنساء، إلى جانب العلاجات الأساسية والإسعافات الأولية. وغاتكون فيه  حملات توعوية وطبية في مختلف دواوير الجماع.

الجمعية وخا صغيرة خدمات بفريق من 13 إطاراً طبياً وإدارياً وتقنياً، وخا الوزير السابق كيقول بلي الأطباء ما مكيبغيوش يمشيو للمناطق  الصعبة بحال جماعة اغبار.