الرئيسية > كود سبور > الجزائري بنشيخة: فرحان حيث جيت للمغرب عند خوتي المغاربة.. مواجهة الوداد مصيرية واللي غيربح مواجهاتنا غيتأهل
08/12/2023 15:00 كود سبور

الجزائري بنشيخة: فرحان حيث جيت للمغرب عند خوتي المغاربة.. مواجهة الوداد مصيرية واللي غيربح مواجهاتنا غيتأهل

الجزائري بنشيخة: فرحان حيث جيت للمغرب عند خوتي المغاربة.. مواجهة الوداد مصيرية واللي غيربح مواجهاتنا غيتأهل

كود سبور//

عبر الجزائري عبد الحق بنشيخة مدرب سيمبا التنزاني على الفرحة ديالو حيث جا مرة اخرى المغرب، وأكد أن الماتش ضد الوداد الرياضي ضمن الجولة 3 من دور مجموعات دوري أبطال إفريقيا غيكون حاسم واللي غيربح فماتشات الفريقين هو اللي غيتأهل.

وتحدث عبد الحق بنشيخة قبل ماتش سيمبا والوداد الرياضي اللي غيتلعب غدا السبت فتيران مراكش وقال: “حنا فرحانين حيث جينا للمغرب ومع خوتنا المغاربة، بالنسبة للكروب الثاني فكل الفرق اللي فيه عندها حظوظها حيث الفرق اللي كانت طامحة تتصدر تعثرت وحنا ما كوناش نتسناو الوداد يكونو فهاد الوضع”.

وكمل المدرب الجزائري: “من الحظ ديالي أنه كل مرة نجي نلعب فالمغرب نلقى راسي لاعب ماتشات صعاب ومصيرية وهذا الشي واقع ليا تاني مع الوداد والمباراة غتكون مفتوحة وحنا جايين نلعبو كل الحظوظ ديالنا هنا”.

وزاد وضح بنشيخة: “أنا فاهم الوضع ديال الوداد وعارف الوضع ديالنا حنا اللي حتى هو صعيب وخاصنا نلعبو 2 ماتشات مصيريين ضد الوداد والله غالب وحنا عارفين هذا الشي وفالجوج ماتشات ديالنا اللي ما غياخدش النقاط هو اللي غيتقصى وهاد المعادلة واضحة ما خاصهاش أنشتاين”.

وبخصوص الإصابات اللي كاينة عند سيمبا قبل مواجهة الوداد، قال عبد الحق بنشيخة: “عندنا إصابات فالفريق حاولنا نوجدو اللاعبين اللي موعتين قبل الماتش ولكن ما قدرناش وغنقديو بالكروب اللي واجد”.

موضوعات أخرى

21/02/2024 18:31

سيدنا هضر بالصبليونية مع سانشيز.. وقالو: شحال هادي ماهضرت فالتليفون مع الملك فيليبي – فيديو

21/02/2024 18:20

البنك الدولي: النمو الاقتصادي فالمغرب تحسن وتوقع يرتفع لـ3,5 فالمية والتضخم غاد يتراجع وها شنو خاص يدير بنك المغرب

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي

21/02/2024 16:30

زيارة مرتقبة لولد الغزواني للجزائر وغاد يدشن معبر حدودي والمنطقة الحرة فتندوف ويضع الحجر الأساس لتعبيد طريق تندوف الزويرات