الرئيسية > آش واقع > الجزائريون لحكامهم: ما مصوتينش. 14.5 بالمائة صوتو حتى الربعة ورئيسهم: ما كيهمنيش الارقام
12/06/2021 19:45 آش واقع

الجزائريون لحكامهم: ما مصوتينش. 14.5 بالمائة صوتو حتى الربعة ورئيسهم: ما كيهمنيش الارقام

الجزائريون لحكامهم: ما مصوتينش. 14.5 بالمائة صوتو حتى الربعة ورئيسهم: ما كيهمنيش الارقام

سعيد الشاوي كود كازا ////

مقاطعة كبيرة جدا للانتخابات التشريعية اللي جرات اليوم السبت 12 يونيو فالجزائر. نسبة المشاركة ضعيفة بزاف وما فاتتش 14.5 بالمائة حتى الربعة العشية. هاد النسبة مشكوك فيها. حقاش كانت 10.02 بالمائة مع الوحدة.

حكام الجزائر دايرين كلشي باش يهزو هاد النسبة. خلاو المكاتب حتى الثمنية العشية.

رئيسهم عبد المجيد تبون ما سوقوش فالمقاطعين. ما سوقوش اش يقول الشعب. عايش فعالم ديالو مع العسكر. تصريحو للصحافة كيبين باللي ما عندو سوق فالارادة الشعبية. فقد اوضح فتصريح صحافي اليوم ان ” نسبة المشاركة ما كتهمش” وان اللي كيهمو هو “اللي غادي يصوتو عليهم عندهم الشرعية الكافية”. ابداع ديموقراطي ما كاين بحالو فالعالم.

تبون مع هاد المقاطعة لكبيرة قال باللي متفائل. طبعا باش يغطي على اخفاقاتو قال باللي كاينين اللي ضد بلادو.

كيفاش كيهدر على الديموقراطية ومنطقة القبايل ما تسوقاتش. فقد قال نائب رئيس الرابطة الجزائرية لحقوق الإنسان سعيد صالحي لوكالة الانباء الفرنسية ان ” أغلب المكاتب لم تفتح في تيزي وزو وبجاية، كما حدث في الانتخابات الأخيرة حيث كانت نسبة المشاركة قريبة من الصفر في هذه المنطقة المتمردة”.

طبعا الجزائريون رافضين هاد الانتخابات وغاديين ينزلو للشارع استمرارا للحراك اللي بداوه ووقفاتو “كورونا”.

الجيش كيوجد باش يوصل النسبة ل40 بالمائة وباي طريقة باش يعطي قيمة لهاد الانتخابات.

هاد 24 مليون جزائري اللي من المفروض يصوتو ويختارو 407 نائب فمجلس الشعب =بحال مجلس النواب ديالنا= ل5 سنين٬ ما مسوقينش. باغيين يطيرو النظام العسكري ويديرو نظام مدني. طريق طويلة قدامهم

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة