كود -ورزازات//

من بعد سنين ديال الغياب، الجمهور المغربي كيتسنا يرجع يشوف الجزء الخامس ديال الغول لخضر المشهور بـShrek، اللي معروف عند المغاربة باسم “الشاب حمار”

ومن المنتظر الفيلم يتعرض فالمغرب فشهر غشت 2027، من بعد ما تحدد تاريخ الخروج ديالو فمريكان نهار 30 يونيو 2027، الإنتاج ديال الفيلم كتشرف عليه Universal   Pictures بدعم من DreamWorks Animation.

الجزء الجديد غادي يرجع فيه الطاقم الصوتي الأصلي اللي عطى للسلسلة النجاح ديالها، بحيث كيرجع Mike Myers فدور شريك، وCameron Diaz فدور الأميرة فيونا، ومعاهم Eddie Murphy  فشخصية الحمار.

أما الإخراج، مشا للثنائي Walt Dohrn وBrad Ableson، مع وعود أنهم يحافظو على الروح ديال الأجزاء اللولين ويقدمو تصوير جديد كيمشي مع التطور ديال تقنيات الأنيميشن.

شخصية “شريك” عندها بلاصة كبيرة فالمغرب منين دبلج الجزء الأول للدارجة، وهاد الخطوة خلات الناس يسمّيوه “الشاب حمار” وبقات لاصقة فذاكرة جيل كامل ديال عشاق الميخيات من الكبار والصغار.