وكالات//

بدات المحاكمة ديال الممثلة الإباحية السابقة “ديفين مايكلز” (عندها 47 عام)، اللي متهمة بأنها قطعات راس راجلها فمحكمة فولاية نيفادا فمريكان.

هاد ديفين معروفة حتى بأسماء أخرى بحال “نيكي فيرشيلد” و”تراسي تافاريس”، ومتابعة بتهمة قتل “جوناثان ويليت” (46 عام) فدارو فمدينة هيندرسون نهار 7 غشت 2023.

فالخريف اللي فات، اعترفات مايكلز بجريمة القتل من الدرجة الثانية، وهاد الشي كيخليها تقدر تولي مؤهلة باش تخرج بشرط من بعد 15 عام حسب القانون.

ولكن من بعد، حاولات ترجع فاعترافها وقالت باللي هي بريئة، غير المحكمة قالت إن الاعتراف ديالها كان طوعي وبمعرفة منها.

فجلسة الحكم فالصيف اللي فات، اعتاذرات مايكلز لعائلة ويليت، ولكن من بعد مباشرة قالت إنها ما دارت والو، ومن بعد ما دارت نوبة عاطفية فالمحكمة، القاضي قرر يرجع القضية للمحاكمة من جديد.

النيابة كتقول إن مايكلز قتلات ويليت باش تقدر تعيش مع جوج وليداتها وراجلها الجديد “ديفير ويليت”، اللي هو ولد جوناثان ويليت اللي تزوجات بيه من بعد.