الرئيسية > ميديا وثقافة > الجديد.. هدى الريحاني بطلة “البرتقالة المرة” غادي تقدم برنماج “لالة العروسة” فبلاصة صفاء حبيركو
27/01/2021 19:00 ميديا وثقافة

الجديد.. هدى الريحاني بطلة “البرتقالة المرة” غادي تقدم برنماج “لالة العروسة” فبلاصة صفاء حبيركو

الجديد.. هدى الريحاني بطلة “البرتقالة المرة” غادي تقدم برنماج “لالة العروسة” فبلاصة صفاء حبيركو

نجوى المالحي – كود //

من بعدما تخلات القناة الأولى على صفاء حبيركو، أخيرا استقرت على الاسم لي غادي يقدم برنامج “لالة العروسة” في الموسم ديالو المقبل.

الفنانة هدى الريحاني، لي اختارت أنها تعيش في كندا، بحالها بحال بزاف ديال الفنانين المغاربة هي لي تم اختيارها كبديل لحبيركو.

هدى الريحاني قرات في المعهد العالي للتنشيط المسرحي في الرباط، وغادي ترجع طل على لمغاربة مرة أخرى من باب التقديم، لي عمرهوم شافوها فيه.

وكانت هدى الريحاني بدات العمل ديالها في بعض الأعمال الفنية في كندا، وفي نفس الوقت بدات كدير الدبلجة، وهادشي خلا بزاف ديال صحابها الفنانين يعاتبوها، خصوصا أنها اسم كبير على هاد الأعمال الصغيرة.

ورغم أعمالها الكثيرة الا أن العمل لي مشهورة به بزاف ولحد الان كيتفكروها بيه المغاربة هو دور السعدية في فيلم “البرتقالة المرة”.

موضوعات أخرى