كود سبور//

رجعو الدفاع الحسني الجديدي للقسم الوطني الأول، بعد موسم واحد فقط لعبوه فالقسم الوطني الثاني، وقدرو يطلعو بإحتلالهم المركز الثاني فالدوزيام ديفيزيون ورا النادي المكناسي اللي طلعو الاولين برصيد 58 نقطة .

وقدرو الدفاع الحسني الجديدي يحسمو الصعود للقسم الاول ، بتعادلهم اليوم السبت فالدورة 30 والأخيرة من القسم الثاني، على فريق أولمبيك الدشيرة فإنزگان بنتيجة زيرو لزيرو، ورفعو رصيدهم إلى 52 نقطة، واحتلو المركز الثاني وتفقوا بالنسبة الخاصة على الاتحاد الإسلامي الوجدي اللي عندهم نفس الرصيد.

وبالنسبة للفرق اللي طاحو للهواة، فنزلو كل من جمعية سلا اللي احتلو المركز الاخيرة برصيد 25 نقطة، ومعهم اتفاق مراكش اللي حتلو المركز 15 برصيد 28 نقطة، وخسرو اتفاق مراكش مع اولمبيك خريبكة فالدورة 30 بجوج لواحد، وخسرو جمعية سلا مع وداد فاس بنتيجة واحد لزيرو.