گود سبور//

عاقبت الجامعة الملكية المغربية لكرة القدم، صلاح الدين المقترض عضو المجلس الإداري للشركة الرياضية لنادي الدفاع الحسني الجديدي، بسبب الاحتجاج ديالو على حكم ماتش الجديدة والرجاء الرياضي الموسم الماضي فستاد دونور، ملي غوت من المدرجات قال للحكم بعدما سالا الماتش “الرجا ما محتاجاج ليك، أديت المهمة بامتياز”.

ووقفت لجنة الأخلاقية صلاح الدين المقترض، لمدة 4 الماتشات، جوج ماتشات منها موقوف فيهم التنفيذ، وغادي يخلص غرامة مبلغ 20.000 درهم، حيث اعتبرت اللجنة ان  التصرفات والأقوال اللي صدرت منو بمدرجات الملعب بعد المباراة ديال الجديدة والرجاء الرياضي مخالفة لأخلاقيات الكورة.

للإشارة فالماتش بين الجديدة والرجاء الرياضي كان برسم الدورة 18 من البطولة الاحترافية بتاريخ 03 ماي 2026 فستاد دونور، والرجا اللي ربحو بواحد لزيرو.