كود سبور//

سالات مرحلة المدرب وليد الركراكي مع المنتخب الوطني المغربي، وغادي تبدا مرحلة جديدة ومع مدرب جديد.

ومن المنتظر تقدم الجامعة الملكية المغربية لكرة القدم، اليوم الخميس بالليل، مدرب المنتخب الوطني المغربي محمد وهبي.

اختيار محمد وهبي بطل العالم للشباب مع المغرب، كايعني أن الجامعة الملكية المغربية لكرة القدم، قررت تجديد الدماء فليكيب ناسيونال مع الحفاظ على المكتسبات.

وتعيين مدرب حقق نجاح مع منتخب الشباب وكايعرف شنو باغية الجامعة وقريب من المنتخب الأول، غايجيب معه أسماء جديدة متعطشين لفرض ريوسهم والتألق مع المنتخب الأول، فبلاصة لاعبين ما بقى عندهم ما يعطيو فليكيب ناسيونال، مع الحفاض على الأسماء اللي مازال قادرة تعطي الإضافة.