الرئيسية > كود سبور > الجامعة عندها الصح باش دات الماكلة والخدامة مع المنتخب.. راه ما يمكنش تصورو كيفاش غاديين يكونو بلا هاد الشي
16/01/2022 15:00 كود سبور

الجامعة عندها الصح باش دات الماكلة والخدامة مع المنتخب.. راه ما يمكنش تصورو كيفاش غاديين يكونو بلا هاد الشي

الجامعة عندها الصح باش دات الماكلة والخدامة مع المنتخب.. راه ما يمكنش تصورو كيفاش غاديين يكونو بلا هاد الشي

كود ياوندي ///

باش تكون فياوندي الكاميرونية تفهم امور كثيرة. مع الوصول للعاصمة الكاميرونية ناض الصداع فصحافتهم على قضية استقدام المنتخب المغربي لكرة القدم الماكلة والطباخة وخبير تغذية وحتى فام دو ميناج ودو شامبر. وفد فيه 50 واحد. وطبعا جابو ماكلتهم واطباءهم ودواياتهم.

هاد الشي بررو الوفد المغربي باللي خايفين من كورونا. باش مشاو لاوطيل “مون فيبي” فياوندي تصابو 10 بكورونا. دابا غالبيتهم ما بقى فيه والو منهم اللعاب الكعبي اللي لعب الماتش اللخر ضد جزر القمر وحتى برقوق يقدر يكون واجد لماتش الثلاث ضد الگابون كاخر ماتش عن المجموعة الثالثة فنهائيات الكان.

لكن باش توصل هنا كتلقى مشكلة فالماكلة. عندهم مطاعم ديالهم. عندهم ماكلة ديالهم. ولكن كتلاءهم. ما كتلاءهمش لمغاربة. راه ماشي غير الوفد المغربي اللي دار هاد الشي. وفود اخرى دارتها. باش يتفاداو اي مشكلة تقدر تبان.

راه لمغاربة اللي جاو للكان ماشي مع المنتخب وما ساكنينش فاوطيل كيوحلو بصاح فالماكلة. عندك الفواكه ولكن ايلى ما بغيتيش طيب فالدار٬ غادي تولي فمشكلة كبيرة.

قرار الجامعة فاللخر راه اولا اقتصادي وثانيا صحي للعابة. اقتصادي حقاش باش تشري هاداك الشي اللي بغيتي غادي يطلع عليك غالي بزاف ومادام الطيارة جاية وممكن تجيب المالكة وكلها من البلاد٬ راه مزيانة.

كاين عندهم مطاعم قليلة منها تركي واخر اسمو “فايموس” مالكو اسرائيلي امو مغربية. كيملكو ايران مواس احد اقوى رجالات الكاميرون.

الثمن هنا غالي بزاف بزاف. المالكة عادية ماشي شي ماكلة واعرة بزاف اما الكاس خاصة الڤان فغالي حتى هو. البيرة مناسبة بزاف فهاد الدولة اللي كتستهلكها بزاف.

موضوعات أخرى

28/05/2022 20:20

المشاركين فمؤتمر “الأحرار” فالداخلة: كنفتاخرو بحكومتنا اللي دوزات غير 7 شهور ودايرة جهدها فمواجهة تداعيات أزمات كورونا والحرب فأوكرانيا – تصاور

28/05/2022 19:20

الغش فالامتحانات المدرسية.. “لابيجي” فوجدة حصلات شخص متلبس بترويج أجهزة لاسلكية كونطربوند وكارطات “VIP Pro” – تصويرة

28/05/2022 18:30

خطة المغرب لتصدير الهيدروجين الأخضر إلى أوروبا ما مفرشاش بالورد. دراسة هولندية كشفات أن تكاليف الإنتاج ديال الوقود غادي تكون أغلى 11 مرة من الغاز الطبيعي

28/05/2022 18:00

مدابزة خايبة بين جوج عائلات ففاس سالات بجريمة قتل.. قاضي التحقيق هبط اليوم 3 متهمين لحبس “بوركايز” والقتال فعمرو 77 عام