كود سبور//

خدامين الجامعة الملكية المغربية لكرة القدم، باش لاعبين المنتخب الوطني المغربي يبداو المعسكر التدريبي استعدادا لكاس افريقيا “المغرب2025″، ابتداء من اول السيمانا اللي جايا.

وكشفت مصادر “گود”، ان اللاعبين ديال المنتخب الوطني المغربي اللي عيط لهم الناخب الوطني وليد الركراكي بداوي كايوصلو لمركز محمد السادس لكرة القدم بالمعمورة، واللي خاصو يرتاح كايرتاح واللي محتاج للعلاج كايتعالج بحال اشرف حكيمي وسفيان أمرابط وحمزة ايگمان، وتوفرت جميع الإمكانيات اللوجيستية باش اللاعبين يوصلو للمغرب ويدخلو للمعسكر يوم الاثنين، وآخر واحد فـ اللعابا غايصول هو براهيم دياز بعدما يلعب مع ريال مدريد غدا الاحد ضد ديبورتيفو الافيس ضمن منافسات بطولة الصبليون غدا الاحد بالليل، ومباشرة ملي يسالي الماتش غادي يجي فـ طيارة خاصة للرباط.

الاستعدادا على الأهبة ديالها لوضع گاع الإمكانيات رهن إشارة المنتخب الوطني المغربي، ابتدأ من المعسكر ديالو اللي غادي يبدا الاثنين الجاي، وهذا الشي باش المدرب وليد الركراكي واللاعبين يربحو كاس افريقيا اللي غادي ينظمها المغرب ما بين 21 ديسمبر 2025 و 18 يناير 2026، وغايبدا المنتخب المغربي المنافسات عن المجموعة الأولى من البطولة بمواجهة منتخب جزر القمر فـ الافتتاح، والجولة الثانية ضد منتخب مالي، والجولة الثالثة غادي يلعب ضد منتخب زامبيا.